احجيلكم بالتفصيل عن نوبات الغضب #temper_tantrums اللي هي من طفلك...

احجيلكم بالتفصيل عن نوبات الغضب
#temper_tantrums
اللي هي من طفلك يزعل و يعيط و يصيح و يضرب او يدك راسه بالحايط او يفحط بالبجي( يزرك) او ما يقبل ياكل الا بفلان مكان و و و و
هي اسمها نوبات الغضب و تصير من عمر سنه إلى ٥ سنين
حتى تخلصين منها راح اكتب لك بعض الطرق و الوسائل
اولا :
تجنب الطاقه السلبيه
١. يعني لا تظلين تلومين الاب و انت تلوم الام لان هي خلته للطفل يبجي
٢. من تنتقده انتقد التصرف لا تنتقد الطفل
مو تكوله انت مو خوش ولد
تكوله هذا التصرف مو صحيح أبدا
.
.
ثانيا
اعرف ليش دا يصير هيجي وياه افتهم منه
تره ما يعرفون يعبرون عن مشاعرهم و احاسيسهم
قسم منهم خطيه حتى ما يعرفون يحجون يعني لسانه ما يعينه يعبر عن مشاعره
.
.
ثالثا
العلاج
ابدا لا تنفعل و تنحرج من تصير هذه الحاله ويه طفلك
و تصرف و كان الموضوع عادي جدا و كانما لا شيء
بعد ما تخلص عاصفه الغضب تناقش ويه طفلك
تناقش وياه افتهم
الأسلوب حلو و يعلمه ع النقاش
مثلا
يريد يشوف تلفزيون ١٠ دقايق أكثر
كوله ٥ دقايق
بهاي الطريقه تكون كسبت قلبه
كسبت الوقت
علمته على النقاش معاك
.
.
٤. النقطه ٤ خليتها لان كنت اعاني منها ويه اطفالي
اهم سبب لنوبات الغضب هي الجوع
الأطفال ما يعرفون يعبرون عن الجوع
كانوا من تبدي نوبات الغضب و البجي اعرف انه جاعوا
شون تعرفوها انه هذه النوبات مال جوع؟
ببساطه انت شوكت تجوع؟
اي نعم اول ما تكعد من النوم
و الظهر من تجوع
فبكائهم اول ما يكعدون معناها خلص هذا السبب
.
.
آخر خطوه عدا اهمال التصرف ممكن جدا تلهيه مثلا غني مثل ما كلتلكم ببوست الظهر
ممكن باللعابه تلهيه انه هاي لعابه هاك العب وياها
خطه أخرى من يبجي كوله يلا اركض ورايه اذا تكدر
حول نوبه الغضب إلى لعبه ممتعه و هو راح ينسى
اقترح عليه يرسم
بس لا تنسى القاعده ما تحجي وياه الا من تخلص النوبه مال الغضب و يخلص الموضوع
و الا مثل ما كلتلكم بالبدايه
اهمال التصرف اولا بعدها النقاش و بعدها التلهيه باي لعبه
و شكرا الكم
د. سيف سمير البياتي
اخصائي طب الأطفال

عن د. سلمان داود

طبيب مقيم اقدم اطفال

شاهد أيضاً

شكد الفاصل بين حمل و حمل؟ ممكن يكون تدخل بحريتك...

شكد الفاصل بين حمل و حمل؟ ممكن يكون تدخل بحريتك الشخصيه هذا السؤال فنتركه و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *