اغلب اللي سويتوا ريجيم لأنقاص الوزن لا بد وان مريتوا...

اغلب اللي سويتوا ريجيم لأنقاص الوزن لا بد وان مريتوا بحاله ثبات الوزن خصوصا اغلب الاحيان النظام الغذائي يكون ارتجالي كلمن يسوي باللي يملي علي عقله او يسمع تجربه احد سواهه ويعيدها لنفسها او ياخذ برنامج جاهز من النت ويتبعه طبعا البدايه كلش حلوه ونزول سريع بالوزن
شلون يصير هذا النزول؟ اكيد السعرات اللي يسووها بأي نظام غير مدروس وغير محسوب بدقه تكون قليله كلش
هنا الجسم حيحتاج مصدر طاقه منين ياخذه؟ ياخذه من كلايكوجين الكبد والعضلات واللي من يحترق يحرر كميات كبيره سوائل بالاستمرار بهيج نظام الوزن حيقل واحتياج الجسم طبعا يقل والعضلات حتصغر وهكذا حتى الحرق رح يقل وتبدي مشكله الثبات
احيانا سبب الثبات يكون انه النظام اللي سعراته كلش قليله تدرون شيسوي؟ يدخل الجسم بحاله مجاعه يحذره انه لاتحرق دهون اخزنها تره هذا الشخص ماعنده اكل واحنه مقبلين على ايام عجاف فالنتيجه انه الشخص كلش قليل اكله بس ما يضعف بس يتعب يفقد القيمه الغذائيه يفقد المعادن والاملاح والفيتامينات بس الدهون باقيه والايض ايضا صار قليل جدا
لذلك من توصاون لهيج مرحله لاتترددون ان تستشيرون شخص مختص يحسبلكم احتياجكم ويقرر شكد لازم تتمرنون وشنو النمط والساعات اللي تاكلون بيهه
موضوع النظام الغذائي اشبهه الكم مثل طلاب اثنين واحد بدرس ٢٤ ساعه وكلشي ميحصل نتيجه والثاني يعرف شيدرس ويجيب نتائج حلوه
المهم الذكاء بالتطبيق
لاتقسون على اجسامكم لأن مستعجلين عالنتيجه لو عندي مناسبه لو اريد البس فلان شي خلال اسبوعين
تره كلش صعب من يبطأ الحرق باجسامكم ان يرجع مره اخرى
لاتسوون نظام غذائي بدون حركه ورياضه تره تتعبون والنتائج تكون بطيئه وتفقدون كتلتكم العضليه بالريجيم اذا بدون رياضه
احجولي عن تجاربكم ويه ثبات الوزن
وشنو الغلط اللي سويتوه وادى بيكم للثبات
د.زينه البياتي
اخصائيه التغذيه
https://www.facebook.com/zinaclini/

https://instagram.com/albayatyzina?igshid=1uvmggtlwokl8

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *