الابواب مال البيوت الخارجية الها مفتاح يسموه ( Latchkey –...

الابواب مال البيوت الخارجية الها مفتاح
يسموه ( Latchkey – لاچ كي) يعني مفتاح الباب الرئيسي وهالمفتاح المفروض يم الام او الاب
رباط سالفتنا انه اكو فئة من الأطفال يسموهم
‏Latchkey kids
يعني الأطفال الي عدهم المفتاح الرئيسي مال البيت والي المفروض يم امهم وابوهم مو يمهم.
سؤالنا هو
‎ليش سموهم بهالتسمية ومنو هم هذولي الأطفال؟
هذولي الاطفال بالملايين حول العالم تشوف اعمارهم اقل من ١٨ سنة سموهم هيج لانه ما عليهم رقابة تربوية بالوقت ما بعد العودة من المدرسة والسبب يعود لكون ابوهم او امهم واحد منهم او اثنينهم يشتغلون يعني أصحاب وظائف او اعمال حرة بحيث الطفل يطلع من البيت ويرجعله بلا ما احد يراقب تحركاته ويحاسبه على تصرفاته.
طبعا كل إنسان الة ظروفه وبسبب اختلاف الظروف
عواقب هالموضوع ممكن تكون إيجابية يعني هالطفل يصير يعتمد على نفسه ويصير ناضج او ممكن عواقبه سلبية يكون مصاب بالعزلة او الشعور بالاهمال
الحل شنو مدام اغلبنا موظفين وما نكدر نراقب أطفالنا دائما بعد العودة من المدرسة وممكن يطلع ويفوت براحته بلا ما احد يكوله وين رحت ومنين اجيت
الحل هو غرس المبادئ الحسنة من الصغر و زيادة الفعاليات ما بعد المدرسة، مثلا يتعلم من زغره بعد الدوام الرسمي و بعد راحته عنده برامج مفيدة مثلا يلعب رياضة، يرسم، يتدرب على شغلة معينة
يعني ميبقى عنده فراغ يخليه يفكر بالعزلة وقلة الاهتمام او الانجراف بطريق سيء
مثلا تخلوه يشتغل وية ابوه او يسوي شي يحبه يخليه يطور من ذاته ويتعلم شي جديد أثناء العطلة ووقت الفراغ.
هالشيء ميبقي عنده وقت فراغ زايد ويدربه على امور مفيده تفيده بالمستقبل.

———
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال

عن د. سلمان داود

طبيب مقيم اقدم اطفال

شاهد أيضاً

شكد الفاصل بين حمل و حمل؟ ممكن يكون تدخل بحريتك...

شكد الفاصل بين حمل و حمل؟ ممكن يكون تدخل بحريتك الشخصيه هذا السؤال فنتركه و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *