الحديد العنصر المنسي موضوع الحديد ما يحتاج جداول الطفل اول...

الحديد
العنصر المنسي
موضوع الحديد ما يحتاج جداول
الطفل اول ٤ اشهر يعتمد على الحديد اللي اخذه من والدته خلال فترة الحمل
و بعد ال ٤ الى ٦ اشهر تبدي مخازن الحديد تنفذ
لذلك اذا كان يرضع الطفل طبيعي فنعزز الحديد بجرع حديد بعمر ال ٤ اشهر
ممكن نبدي نطعم الطفل اكل غني بالحديد بهذا العمر
الطفل اللي يرضع صناعي اول ٦ اشهر ما يحتاج حديد لان موجود بالحليب الصناعي
❤ لكل الاطفال اللي يرضعون طبيعي ننطي حديد؟
اذا الاكل جيد و كميه الاكل جيده و غنية بالحديد فمو شرط
بس ممكن ننطي لكل الاطفال اللي يرضعون طبيعي حديد
❤ صدك حليب الام ما بيه حديد يعني حليب البقر افضل؟
حليب الام بيه حديد اقل من حديد البقر بس يمتص افضل من الحديد بالحليب البقري لذلك يدعمون الحليب البقري بالحديد
❤ الرضاعه المختلطه؟
حسب الغالب اذا رضاعه طبيعيه ننطي حديد
اذا صناعي نعتمد على حديد حليب القواطي
❤ كم الجرعه؟
الحديد صعب اكولكم كم الجرعه لان هي ١ ملغرام من الحديد الصافي لكل كيلو غرام يسموه
Elemental iron
الموضوع اللي يفرق بين شراب و شراب اخر
و قطره و اخرى
❤ شنو الاكلات اللي بيها حديد ؟
اللحم اولا
اكباد الدجاج
الفاصوليا الحمراء
البروكولي
صفار البيض
العدس
كل الفواكه المجففه و الزبيب بالاخص
❤ اكو حيله نستخدمها لزياده امتصاص الحديد و هو ان نخلي مع الحديد وجبه بيها فيتامين سي
مثل البرتقال و قطعه لحم
او طماطه و لحم
او فاصوليا حمراء مع اللحم
او فراوله
❤ بعد شنو اعراض فقر الدم؟
شحوب الوجه
قله الاستيعاب بالمدرسة
فقدان الشهية
❤ شنو عوامل الخطوره للاصابه بفقر الدم؟
كثره استهلاك الحليب
كثره استهلاك العصير
عدم إدخال اللحم و الاغذية الاخرى الغنية بالحديد
الفقر و سوء القدرة الشرائية
❤ عوامل تؤثر على امتصاص الحديد؟
الكالسيوم و الخبز و الشاي يعارضون امتصاص الحديد
❤ عوامل تزيد امتصاص الحديد
فيتامين سي الموجود في الحمضيات
د. سيف سمير البياتي اخصائي طب الاطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *