السؤال اللي دائما اتجنب الاجابه عنه هو شكد المفروض يرضع...

السؤال اللي دائما اتجنب الاجابه عنه
هو شكد المفروض يرضع و كل شكد
ليش اتجنب الاجابه عنه ؟
لان كل طفل و اله نظامه
مثل ما احنا الكبار مو الا ٣ وجبات و قسم ٥ وجبات
الاهم من عدد مرات الرضاعه هو النمو الزين
و مراقبتك للنمو مالته مع طبيبك
جبتلكم شي تقريبي
اشوفه قريب الواقعي
لان مكتوب بلغه المعدلات
و اترجملكم
🍅من ٠ إلى ٣ اسابيع :
١ إلى ٣ ارقام كل ساعتين إلى ٣ ساعات
يعني معناها من ٨ إلى ١٢ رضعه باليوم
ملاحظه : قريتوا ٣ ارقام لان اكو امهات لازكات بالرقمين و الطفل كل نص ساعه يجوع
🍓من ٣ اسابيع إلى ٣ اشهر :
ياخذ ٣ إلى ٤ ارقام بالرضعه
و يقل العدد من ٦ إلى ٨ رضعات باليوم
🍒من ٣ اشهر إلى ٦ اشهر :
٤ إلى ٨ ارقام بالرضعه
و يقل العدد إلى ٤ إلى ٦ رضعات
و لا تنسين بعد ما يصير عمره ٤ إلى ٦ تكدرين توكليه اعتمادا على بوست سابق منزله لحضراتكم
🌶٦ اشهر إلى ٩ اشهر
٦ إلى ٨ ارقام بالرضعه
٤ إلى ٦ رضعات باليوم
🍉٩ إلى ١٢ شهر
شوفي هنا نفس الكميه مال قبل اللي هي ٧ إلى ٨ ارقام
و تنطيه ٣ إلى ٥ مرات باليوم فقط لان تنطين فرصه للاكل
حاولي تدخلين الكوب المثقب مبكرا و اذا من ٦ اشهر عادي اكو اطفال يدبروها
🍎١٢ شهر و فوك
شوفوا المميه باي باي
و صارت كلاص مثقب
علمود صحه الاسنان
و اقروا الكميه ٤ ارقام حليب او لبن بالزايد ٤ مرات باليوم
يعني بالزايد ١٦ رقم
و ركزولي على اللبن
لان يعتبر نفس القيمه الغذائية
لان تتذكرون من كلتلكم فوك السنه نقلل الحليب إلى حدود ١٠ إلى ١٢ رقم
و اهم نقطه ماكو شي اسمه كل ساعتين او كل ٣ ساعات او كل اربع ساعات
اولادي نعلمهم على النوم بعمر اسبوع الى أسبوعين و ينامون بعد رضعة ال ١١ ليلا يكعدون مره للرضاعة الطبيعية ساعه ٤ الفجر وراها يكعدون بال ٧ صباحا و نبدي رضاعة عند الحاجه من بعدها الصبح
ركزي الرضعات الصبح حتى يتعلم الصبح للمعيشه و الليل للنوم من اول يوم
ارجع و اذكر اذا ابنك أكثر او اقل و نموه طبيعي ماكو داعي للقلق
شكرا الكم
د. سيف سمير البياتي
اخصائي طب الأطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *