السلام عليكم ورمضان كريم على الجميع اكو ممارسه ظهرت بالسنوات...

السلام عليكم ورمضان كريم على الجميع
اكو ممارسه ظهرت بالسنوات الاخيره عند بعض الاخوات خلال شهر رمضان و هي ظاهره اخذ حبوب مانع الحمل و منظمات الدوره خلال شهر رمضان بغرض اكمال الصيام دون انقطاع خلال فتره رمضان .. طبعا هذا التصرف مو علمي وماكو اي نشره طبيه تنصح بي ولا هوا شي مفروض او واجب شرعيا … بالاضافه لهذا الشي ممكن هاي الحبوب تشكل خطر كبير جدا على الصحه وبالاخص اثناء الصيام و باشهر الصيف الحاره حيث احتماليه تعرض الجسم للجفاف بالنهار كلش وارده و بالنتيجه راح يزداد خطر الاصابه بتخثر اورده الدماغ وجلطات ونزف الدماغ الوريدي الحاده اللي ممكن ينتهي بمضاعفات ابسطها الصداع والصرع واخرها الموت لا سامح الله ..
طبعا اكتب هذا الشي لان خلال ٣ ايام فقط اجت ٣ حالات بالمستشفى من هالنوع وكلها حالات جدا خطره و سنويا تتكرر هاي المشكله بشهر رمضان بسبب تصرف خاطئ من الاخوات … رب العالمين يقول ولا تكلف نفس الا وسعها ..اتمنى للجميع الصحه والسلامه …
منقول من دكتور زيد وليد
اخصائي الجملة العصبية

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *