الطماطه للاطفال ! الطماطه من الخضراوات اللي تدخل بصناعه اغلب...

الطماطه للاطفال !
الطماطه من الخضراوات اللي تدخل بصناعه اغلب الطبخات
الطماطه اكتشفت لأول مره بالبيرو بأمريكا الجنوبيه و نقلها الاوربيين لاسبانيا بعد اكتشاف الامريكيتين و منها لايطاليا و منها للعالم كله
الطماطه دخلت للعراق ويه الاحتلال البريطاني سنه 1920 و اول ما زرعت في بعقوبه و مندلي
ما علينا من التاريخ
علينا بالاطفال
الطماطه ممكن تعطى للاطفال من عمر 6 أشهر
بس مو كأول وجبات لان اول وجبات لازم تحقق هدف انه تكون غنيه بالحديد و مع الأسف الطماطه ما بيها كميه جيده من الحديد
الطماطه ممكن تقديمها بعد تقشيرها للاطفال
و ممكن تقطيعها و الطفل ياخذها وحده لفمه
فوائد الطماطه هي احتوائها على فيتامين سي عالي و بروفيتامين A و العديد من مضادات الأكسدة و اخيرا تحتوي على ٩٤ بالميه ماء
نجي على مساويء الطماطه اللي اكتب هذا البوست علمودها
الطماطه حامضه و تحتوي على فيتامين سي عالي مثلها مثل البرتقال لذلك اذا كان طفلك يعاني من الارتجاع او الحموضه فهي جدا غير مناسبه
شغله أخرى بالطماطه هو انه ممكن تسبب طفح الحفاظات لذلك من يصير عند طفلك طفح حفاظات اكطعي منه الطماطه و البرتقال
و اخيرا لا تنسى أن تقشر الطماطه قبل تقديمها لطفلك علمود خطر الاختناق
د. سيف سمير البياتي اخصائي طب الاطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *