الممنوع تحت عمر سنه يختلف من مصدر لآخر ممكن ابنك...

الممنوع تحت عمر سنه يختلف من مصدر لآخر
ممكن ابنك يأكل أكل عادي و ممكن ما يتقبله
بس اكو شبه اتفاق على الممنوع تحت عمر سنه
اللي هم
1. العسل الطبيعي لاحتمال احتوائه على جرثومة خطره على الأطفال تحت عمر سنه
2. البيض النيء أو النصف مستوي ( تكدرين تنطين البيض المستوي عادي بس يبدي يصير عنده سنون و يأكل قطع صغار ) علمود التعقيم و قتل فايروسات أنفلونزا الطيور يعني بحدود ٦ اشهر
3. السكر حتى لا يتعود على الطعم الحلو و يكون عرضه للإصابة بالسكر و حتى لا يشبع و ينحرم من التغذيه الصحيحه
4. الملح : كليه الطفل غير مستعدة تماما لأي محلول ملحي
5. الحليب الخالي الدسم و منتجات الدايت : ما يحتاج اكول ليش لأن كلها تسوي اسهال و ممكن تأثر على الطفل
6. الفستق و البندق و الشامية و اي شي ممكن يسبب خطر الاختناق
7. السمك ( بعض المصادر تكول يصير بعضها الآخر يكول ما يصير ) اني اكول اذا ما عدكم بالعائلة حساسيه سمك وكلوه بعد اللحم بحوالي عمر ال 8 اشهر
8. العصير ( و نزلت بوست عن منع العصير تحت سنه حسب توصيات الجمعيه الامريكيه لطب الأطفال ) حتى يستفاد من ألياف الطعام
و العصير هو العصير سواء طبيعي او صناعي
9. الشاي و الكهوه : لأن ما راح ينام بسبب المغص أولا و لانها منبهه جدا ثانيا
.
.
.
.
ملاحظه 1 : الحمضيات قد تسبب المغص و قد لا تسبب فإذا انطيتي لأبنك و أموره زينه فألف عافيه
ملاحظه 2: البيض الناضج غير ممنوع بتاتا و ماكو جدول الصفار و البياض بس يكدر يأكل خلي يأكل و إذا تحسس اتركيه بس افضل بحدود ٦ اشهر
د. سيف سمير البياتي اخصائي طب الاطفال

عن د. سلمان داود

طبيب مقيم اقدم اطفال

شاهد أيضاً

شكد الفاصل بين حمل و حمل؟ ممكن يكون تدخل بحريتك...

شكد الفاصل بين حمل و حمل؟ ممكن يكون تدخل بحريتك الشخصيه هذا السؤال فنتركه و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *