اليوم المصطلح هو Steroid ستيرويد و هذا نحجي بيه على...

اليوم المصطلح هو
Steroid
ستيرويد
و هذا نحجي بيه على المراهم
و الستيرويد هي الماده الفعالة بالهايدروكورتزون و الالفاكورت و الدرمودين و البتنوسام و الكوادريديرم و اغلب عصارات الخلط اللي تنصرف علمود تبييض البشره او طفح الحفاظات
مدا اقصد العصارات و المراهم اللي بيها زنك مثل الزنك و السودوكريم و الدنتنوكس و غيرها
بالخارج فقط الهايدروكورتزون تنباع بدون وصفه طبيه
الستيرويد هرمون موجود بجسمنا تفرزه الغده اللي فوق الكليه
و من ناخذ هذه المراهم بأفراط و لفترات طويله أكثر من ٧ ايام و أكثر من مرتين باليوم راح هذه الغده اللي تفرز الستيرويد تكعد و تسكت و توكف عن العمل
مو بس هاي
زياده المرهم راح يخلي الستيرويد يمتص عبر الجلد خصوصا اذا مخليه على بشره الطفل اللي بشرته اصلا رقيقه او مخليه بكميات كبيره
هذه الزياده راح تؤدي إلى ارتفاع ضغط الدم و زياده السكر بالدم لان الستيرويد يقاوم الانسولين و الاصابه بهشاشه العظام و قائمه طويله عريضه من الاعراض الجانبيه
و عليه افضل استخدام هذه المراهم الستيرويديه بوصفه طبيب او على الاقل بكميات قليله جدا و لفتره لا تتجاوز ال ٣ إلى ٥ ايام
دمتم بود
د. سيف سمير البياتي اخصائي طب الاطفال
هذه أشهر عصارة يساء استخدامها

عن د. سلمان داود

طبيب مقيم اقدم اطفال

شاهد أيضاً

شكد الفاصل بين حمل و حمل؟ ممكن يكون تدخل بحريتك...

شكد الفاصل بين حمل و حمل؟ ممكن يكون تدخل بحريتك الشخصيه هذا السؤال فنتركه و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *