امهاتنا العزيزات .. اليوم راح نحجي شلون نطور قابلية النطق...

امهاتنا العزيزات ..
اليوم راح نحجي شلون نطور قابلية النطق عند اطفالنا لان الدور الاهم في تطوير هذا القابلية والحد من تأخرها يعود ع الابوين اولا..

بالبداية ماكو عمر ثابت يبدأ بي الطفل بالكلام لان هذا الشي يعتمد على قابلية الطفل اولاً والبيئة المحيطة ومثل ما گلنة .. النه دور مهم في تطوير هذه المهارة لهذا ما نبخل عليهم بالوقت وكلما خصصنا وقت اكثر كلما كانت النتائج ايجابية اكثر

راح نلخصها على شكل نقاط

١- الحديث مع الطفل على الاقل ١٠ دقائق باليوم من اول يوم بعد الولادة مثلا خلال الرضاعه ، خلال الاستحمام خلال تغيير الحفاظ .. الخ

٢- النظر لعين الطفل مباشره و توجيه الكلام المباشر له عند الحديث معه يعني ما ندير وجهنا لو عيننا ع التلفزيون او الموبايل ونحجي وياه

٣- استخدام الكلمات الواضحة جداً والبسيطة بالبدايه والابتعاد عن لغة وتعابير الاطفال (يعني الكلام المكسر) عند الحديث معه

٤- استخدام لغة الاشاره والتعبير بالوجه والتفاعل مع الطفل خلال الكلام والاشارة الى الاشياء الي تتحدثين عنها مع الطفل

٥- الابتعاد عن التلفزيون والموبايل والاي باد كمصدر كلام بديل عن الحديث مع الطفل لان هذه الاجهزة لا تتفاعل مع طفلك وكلامها مو مباشر او موجه اله

٦- لما يبدأ الطفل بالكلام يجب الابتعاد عن تصحيح الكلام له بطريقة مباشره هلشي ممنوع .. والاكتفاء باعادة الكلمة نفسها بالطريقة الصحيحة كلما يگولها ..

٧- ممكن الاستعانه بكتب القصص الملونه ذات الرسوم الجذابه للاطفال لان هم تساعد بتطوير هذه المهارات واكو قصص و كتب مخصصة للاطفال من عمر ال٣ اشهر ومابعدها ..
و حتى تضيفون اصدقائك للصفحه هو انه بس تدخلون على الصفحه و ترحون على دعوه المزيد من الأصدقاء و تختارون الأصدقاء
د. سيف سمير البياتي
اخصائي طب الأطفال
#تاخر_النطق

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *