بوست اليوم صح سهل للاغلبيه بس هو للأمهات الجدد راح...

بوست اليوم صح سهل للاغلبيه بس هو للأمهات الجدد
راح نحجي عن مقاييس الحراره
أولا اذا بعدك تستخدمين المقياس الزئبقي القديم فأحب اكولك اشمريه أو أتلفيه لأن توصي الأكاديمية الأمريكية لطب الأطفال بعدم استخدامه بسبب ان الزئبق ماده سامه جدا و ممكن بكل سهوله ينكسر
ثانيا طريقه قياس الحراره الغالبة هي عن طريق الابط و اللي تعريف الحراره بيها أكثر أو يساوي 37.2 يعني اذا تحت الابط طلع 37.2 هذا ابنك مصخن
و إذا طلع 37.3 هذا مصخن
و إذا 37.1 مو مصخن
أما قياس الحراره عن طريق الفم فتتم بعمر 4 سنوات و فوك
أما حراره الفم فتعرف بأنها الحرارة اللتي تساوي 37.8 و أكثر
يعني 37.8 فموي هذا مصخن
37.7 فموي ما مصخن
طريقة القياس عن طريق طبلة الأذن شويه الجهاز غالي و يتطلب استعماله خبره على مكان وضعه فتشوفوه دائما بالعيادات و هم نفس قراءات الفم
ملاحظه١ : لا تضيفين نص و لا تزيدين نص احفظي الأرقام فقط
تحت الابط ٣٧.٢ مصخن
ملاحظه ٢ : ماكو اي داعي لشراء الاجهزه الغاليه مال الراس و الاذن
اذا امورك الماديه طيبه اشتري مقياس تحت الابط عدد ٢ و عوف الغاليات لان هم صعبه و هم مالها داعي

د. سيف سمير البياتي
اخصائي طب الأطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *