دائما باللايفات تسألوني واجاوب عن تغذيه المرضع وهنا رح اكمللكم...

دائما باللايفات تسألوني واجاوب عن تغذيه المرضع
وهنا رح اكمللكم معلوماتكم
المرضع تنتج حليب بمعدل تلث ارباع لتر الى لتر كامل حليب يوميا
البروتينات والحديد اللي بحليب الام سهله الامتصاص من الموجوده بالحليب الصناعي
والسكريات الموجوده(اللاكتوز) تكفي حاجات الرضيه وتناسبه
والدهون ايضا
العناصر المناعيه بحليب الام تحمي وتساعد على نمو البكتيريا النافعه بجسمه
اخذيهه قاعده ابنج يرضع اللي انتي تاكلي
يعني باختصار اتركي الاكل الحار (اللاذع) اتركي المنبهات (الشاي والقهوه) اتركي المشروبات الغازيه
القرنابيط واللهانه والبقوليات اللي تاكليهه تسببله مغص وتلبكات معويه
اكلي اسماك (اوميكا ٣ كلش مهم لتطور دماغ طفلج )
لازم مايكون عندج نقص فيتامين دي
لازم تشربين ٣ اكواب حليب يوميا
لازم تشربين مي ٨ اكواب بالحد الادني
مصادر الحديد من لحوم وكبده كلش مهمه
الفواكه والخضار كلش مهمه كنز بالفيتامينات والمعادن وسعراتهه غالبا قليله
شلون تعرفين حليبج كافي ورضاعتج صحيحه ؟ نمو الطفل دليل
نوم الطفل الهانئ دليل
مقاومته للامراض دليل
نصيحه مفيده
: لاتتوترين ..التوتر يقلل انتاج الحليب
اذا صارلج ضرف خارج عن ارادتج وقطعتي الرضاعه يومين لاتقولين خلص نشف حليبي لا بس اسحبي الحليب (بالملاطه) ورح يرجع يدر حليب
نصيحه اخيره :الرضاعه تحتاج غذاء وطاقه بس بحدود المعقول لاتخلين نفسج توصلين للبدانه علمود دترضعين ولا تحرمين نفسج لأن زاد وزنج بالحمل وتتسببين بحرمان الطفل
النضام الغذائي لازم يتضمن كل العناصر السابقه بس كمياتهه مو ثابته للكل مثل ما قلتلكم كل جسم اله احتياجه من السعرات والفيتامينات والمعادن وطبيبج يحدد احتياجج
شتريدون نحجي عالمره الجايه؟؟؟؟
د.زينه البياتي
https://www.facebook.com/zinaclini/

https://instagram.com/albayatyzina?igshid=1rnczcjyp66ia

عن د. سلمان داود

طبيب مقيم اقدم اطفال

شاهد أيضاً

شكد الفاصل بين حمل و حمل؟ ممكن يكون تدخل بحريتك...

شكد الفاصل بين حمل و حمل؟ ممكن يكون تدخل بحريتك الشخصيه هذا السؤال فنتركه و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *