#سلس_بولي ما نكول سلس بولي إلا بعد عمر 5 سنين...

#سلس_بولي
ما نكول سلس بولي إلا بعد عمر 5 سنين
و نسبه الأولاد اللي بيهم سلس أكثر من البنات بشويه
التاريخ الطبي العائلي موجود في نص هذه الحالات؟
و بالأطفال العاديين من 80 إلى 85 بالميه مسيطرين على موضوع الإدرار ليلا
الأهم عدنا و اللي نسأله دائما هو أنه الطفل ما فد يوم سيطر على ادرار الليل لو سيطر كم شهر و بعدين كام ما يسيطر؟
التشخيص بسيط و يشخصه الك طبيبك المختص بعد ما يستثني الأسباب العضويه
نجي للعلاج
العلاج بسيط و راح اسويه نقاط
1. أولا الاطمئنان بأن هذه حاله مو عضويه و راح تروح بمرور الأيام
2. ماكو اي داعي لاذيه الطفل نفسيا و تخلوه يغسل ملابسه من يكعد الصبح أو تعيروه بكلمات ما حلوه
3. تقليل السؤائل و المي إلى أقل من 60 سيسي باليل بعد ال 6 أو ال 7 مساءا
طبعا ال 60 سيسي ربع كلاص مي
4. وداعا للسكر و الكافيين أو الشاي أو القهوه وره ال 4 عصرا

5. انتبه اذا كان الطفل يشخر و عنده زوائد مراجعه الطبيب حالا لأن بس تنشال هاي الزوائد يروح السلس البولي
6. صح تعريف السلس هو للأطفال فوك 5 سنين بس ما يتعالج إلا بعد ال 6 سنين
7. أهم نقطه هي آخر نقطه التحفيز و الهدايا مهمه جدا و خلي جدول صغير يم رأس طفلك اذا جمع 4 أو 5 ليالي بدون ادرار اشتريله الهديه و بيوم اللي يكعد جاف اشتريله هديه
و لا تنسى تاخذه للتواليت قبل النوم
قسم من العوائل تكعد أطفالها بصوره متكررة ليلا حتى يتدرر و هي طريقه غير مثبته الكفاءة بس البعض وجدها مفيده
8. العلاج و هو يصفه الك طبيبك
#ملاحظه : الصفحه ما كاعد تنمو مثل قبل فادعو اصدقائكم و شاركوا المنشور حتى ننشر المعلومات الطبيه أكثر و أكثر
شكرا

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *