شكد الفاصل بين حمل و حمل؟ ممكن يكون تدخل بحريتك...

شكد الفاصل بين حمل و حمل؟
ممكن يكون تدخل بحريتك الشخصيه هذا السؤال فنتركه و نسال غير سؤال و نكول
⭕شنو الراي الطبي بفرق 6 اشهر بين حمل و حمل اخر ؟
الحمل بفرق 6 اشهر و اقل يعرضك ل
1. الولاده المبكره
2. انفصال المشيمه قبل الولاده
3. وزن الولاده القليل
4. زياده بعض العيوب الخلقيه
5. فقر الدم عند الام
⭕زين شنو المشاكل المتوقعه عند الام ؟
واضحه المشاكل المتوقعه لان ما اخذت فتره راحه بعد الحمل و الرضاعه
⭕ اكو مشاكل متوقعه اذا خليت فاصل اكثر من 5 سنين؟
المشاكل غير واضحه فقط دراسه تكول انه الام تكون معرضه اكثر لارتفاع ضغط الدم اذا خلت الحمل الثاني يتاخر بعد 5 سنين
⭕ احسن فتره شكد بين حمل و اخر؟
تتراوح بين اكثر من سنة و نص الى سنتين و الافضل ما تاخر الحمل ابعد من 5 سنوات
⭕ احسن عمر للانجاب هو بين عمر 20 الى 35 سنة حسب الكليه البريطانية للنسائيه و التوليد
⭕ اكدر اكمل رضاعه ابني طبيعي لو اكتشفت انه انا حامل؟
اي تكدرين ولو احنا نفضل تباعدين بين الحملين فتره 18 الى 24 شهر و تتمين الرضاعه
بس اذا صار الحمل تكدرين طبعا تتمين الرضاعه
د. سيف سمير البياتي اخصائي طب الاطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *