شوكت يصوم الطفل ؟!

شوكت يصوم الطفل ؟!
دينيا :
حديث للرسول الكريم : ( مُرُوا أَوْلَادَكُمْ بِالصَّلَاةِ وَهُمْ أَبْنَاءُ سَبْعِ سِنِينَ ، وَاضْرِبُوهُمْ عَلَيْهَا وَهُمْ أَبْنَاءُ عَشْرٍ ، وَفَرِّقُوا بَيْنَهُمْ فِي الْمَضَاجِعِ )
يعني ندربهم بال ٧ و نصومهم بال ١٠ من باب انه الصيام ركن من اركان الاسلام مثلها مثل الصلاه
راي اخر يعتمد على
حديث اخر للرسول الكريم : ( رُفِعَ الْقَلَمُ عَنْ ثَلاثَةٍ : عَنْ الْمَجْنُونِ الْمَغْلُوبِ عَلَى عَقْلِهِ حَتَّى يفِيقَ ، وَعَنْ النَّائِمِ حَتَّى يَسْتَيْقِظَ ، وَعَنْ الصَّبِيِّ حَتَّى يَحْتَلِمَ )
يعني ما يصوم الا عند البلوغ اللي هي حوالي ١٢ سنة الى ١٣ سنة
هذا الدين و الاحاديث الخاصة بالموضوع
.
.
طبيا
ماكو عمر معين لكل طفل
كل طفل و قدرة تحمله
الراي الوحيد اللي كان اجانا من ال NHS اللي هي منظمه الصحه البريطانية و بعدين حذفت الرابط و كالت انه الصيام لا يشكل خطرا من عمر ٨ سنين
فلازم نبدي تدريجيا
و ببطء شديد
هذا طبعا انه الطفل ما عنده مرض مزمن و من اهمهن السكر
تذكر دائما الصيام باول فتره بحياه الطفل هي لتحبيبهم بالعبادة ( اذا راغبين طبعا )
يعني يفطر وياكم
و يتسحر وياكم
هيجي راح يتعلم على نظام الشهر الفضيل
خلي نبدي بالنظام
نبدي تدريجيا من عمر ٧ سنين و نخليه يصوم من اذان العصر الى اذان المغرب( تقريبا ٣ ساعات )
اذا جاع او عطش خلالها ننطيه اللي يسد رمقه
.
.
من صار عمر الطفل ٩ سنين نصومه من الفجر لحد اذان العصر و يومين الى ٣ ايام اسبوعيا مو كل الاسبوع و اذا جاع او عطش و لاحظتي التعب افطريه
.
.
بال ١٠ سنوات يبدي الطفل يصوم صيام كامل و لمده ٣ ايام اسبوعيا

.
.
بعدها بعمر ١١ الى ١٢ سنه او حتى ١٣ سنة ممكن يصوم الشهر كله
لا تنسون التدريج
ممكن اصلا تسرعون الوتيره اذا طفلكم مستعد
رمضان كريم مقدما
#رمضان_كريم
هذا الهاشتاك لبوستات رمضان
د. سيف سمير البياتي
اخصائي طب الأطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *