الأربعاء , 3 مارس 2021

شون اعلم الطفل على الكعده ممكن و انت تقرين العنوان...

شون اعلم الطفل على الكعده
ممكن و انت تقرين العنوان تتململين لان طفلك عمره كذا و ما يكعد او ما يمشي او بنت فلانه مشت و بنتك او ابنك لا
بس بالحقيقة ماكو عمر ثابت لكل شي
هوايه مشوا مبكرا و حجوا مبكرا و بعدين بالواقع هم كلش خجولين
و هوايه تاخروا بالكلام و المشي و هسه هم ممثلين مشهورين ماكو شي ثابت
الكعده تتم بعمر ٦ اشهر زائد ناقص شهر الى شهرين
و الكعده الثابته لوحده تصير بعمر ٩ اشهر الى ١٠ اشهر
خلينا نحجي هنا
شون نساعد الطفل على الكعده و شون نعلمه عليها
اولا و اهم شي اركز عليه دائما هو اللعب و الطفل على بطنة
وحده من اهم التعليم على الفعاليات هي النوم على البطن
هي الحافز لاغلب الفعاليات الحركيه و حتى المشي
ثانيا خليه من يكعد يكعد اولا على ارض ثابته و باسنادك اكيد مثلا الكاربت او الارض مو على فراش متحرك
ثالثا اني كاتبلكم اني ضد الحجلة مثل اغلب اطباء الاطفال الامريكان لان ماكو اي داعي لاستخدامها و لا تسرع المشي و مجرد تقوس الساقين لا اكثر
المهم هوايه من الامهات المتابعات للصفحه اشتروا النطاطه او القفازة
اللي اطلبه منهم انه لا يخلوهم هوايه بهذه النطاطه
لان ممكن ظاهريا هي مفيده
بس الطفل مسنود تره
يعني اي جهد للعضلات ماكو
لذلك خليه فتره قصيره اذا شفتي مستمتع
بس لا فتره طويله تضعف العضلات
رابعا ابدي سنده و وكفه
و مثل ما اكثر امهاتنا يسوون يرقصون الطفل بحيث يبدي يكمز و هو بحضن والدته هذا يساعد جدا على تقوية العضلات و دائما لا تبالغين بالاسناد حتة تقوى العضلات اكثر و اكثر
خامسا
دائما حوطه و احميه التعليم ابدا لا يعني الاهمال و اهمال وسائل الامان خليه يحس انه مسنود و انه ما عليه شي لو وكع
د. سيف سمير البياتي اخصائي طب الاطفال
#sitting
#W_sitting

عن د. سلمان داود

طبيب مقيم اقدم اطفال

شاهد أيضاً

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *