شون انوم طفلي الليل بطوله ؟ او شون اخلي نومه...

شون انوم طفلي الليل بطوله ؟
او شون اخلي نومه الليل تطول اكثر
السؤال اللي يشغل البال ككل
10 خطوات تؤدي الى نوم اطول و اكثر لطفلك
1. الكماط
وضع الطفل في القماط و تقميطه يضمن نومه اطول للطفل
بس على شرط القماط يكون راخي مو مضبوب و يشمل اليدين فقط
2. اتبعي الروتين التالي بالنوم
رضاعه لعب نوم
اسهل طريقه حتى لا نربط النوم بالرضاعه
من الطبيعي تشوفين الموضوع صعب بالبدايه
بس بعدين مره على مره تسهل
الاهم اصرارك
3. كثفي الرضاعه او الاكل بين ٧ صباحا و ٧ مساءا
4. راقبي نوم طفلك صباحا
اعرفي يا امي يا اختي
شكد ينام طفلك صباحا = شكد راح تستمر حفله الليل
ابدا ما اكولك لا تنوميه
بس لا تخلين الاغفاءه تطول هوايه
5. مكان النوم يكون مريح مو حار و مو كثير الاغطيه و مو مضيء
اجراءات النوم تبدي مبكرا من ال ٧ ليلا
نقلل الاضاءه جدا
للاطفال الكبار نوقف التلفزيون و الشاشات من ٤ مساءا
اهم شي بمكان النوم تكون الاضاءه خافته او بلا اضاءه
6. من تحسين طفلك تعب او نعسان راسا نوميه
من يتعب طفلك ما راح ينام بسهوله
7. الرضاعه و الطفل نايم
يسموها
Dream feed
يعني رضاعه الطفل و هو نايم
هذه وحده من الوسائل اللي تخلي نوم الطفل يطول اكثر
عن نفسي ما افضلها
بس من باب العلم بالشيء اكتبها هنا
8. الاضاءه مهمه
و كلما الغرفه اظلم كلما النوم يطول اكثر
9. من يبدي يتململ او يتحرك او يبجي بجيه صغيره لا تركضيله
ممكن يرجع ينام وحده
الطفل هوايع يتحرك و يتململ بالنوم هذا العادي
10. حاول تخلي طفلك بسريره كاعد و على وشك يغفو مو نايم
هاشتاك #النوم
#نوم_الرضيع
للحديث عن تفاصيل اكثر عن الموضوع
د. سيف سمير البياتي اخصائي طب الاطفال

عن د. سلمان داود

طبيب مقيم اقدم اطفال

شاهد أيضاً

شكد الفاصل بين حمل و حمل؟ ممكن يكون تدخل بحريتك...

شكد الفاصل بين حمل و حمل؟ ممكن يكون تدخل بحريتك الشخصيه هذا السؤال فنتركه و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *