عندك طفل بالبيت تجيه نوبات ربو قصبي؟ خلي نشوف شنو...

عندك طفل بالبيت تجيه نوبات ربو قصبي؟ خلي نشوف شنو هو الربو القصبي
نوبة الربو القصبي هي حالة من حالات ضيق التنفس لكن الربو بحد ذاته مو دائما يسبب أعراض، تشوف طفل عنده ربو قصبي بس ماعنده اعراض ومرات لمن تجيه النوبة تشوفه حيل متنك، النوبة تصير لمن المجاري التنفسية تلتهب وتتضيق
الربو القصبي ممكن يمشي بالعائلة يعني تشوف أكثر من فرد بالعائلة عدهم ربو قصبي
أعراض نوبات الربو القصبي؟
– صفير و صوت بالتنفس ماله
– كحة، غالبا بالليل او ببداية الصبح او لمن يتمرن الطفل
– شعور بضيق في الصدر
– صعوبة بالتنفس
الاعراض ممكن تصير يومية او كل اسبوع او قليل جداً وممكن تكون بسيطة وممكن تكون قوية جدا
ونادرا جدا انه نوبة الربو القصبي تسبب الوفاة الة اذا الاهل كلش اهملوا الطفل وبقت حالة اختناقه تزيد
اكو فحص للربو القصبي ؟
نعم، طبيبك يكدر يفحص وظائف رئة الطفل الي عمره اكبر من ٦ سنوات، علما انه الوظائف تطلع طبيعية بالأطفال الة بحالة النوبة يلا تطلع غير طبيعية و أحيانا الطبيب يشخصه بالاعتماد على عدة أسئلة
١- شنو الأعراض الي تصير عنده؟
٢- الاعراض تكعده من النوم؟
٣- الاعراض تعرقل لعبه ومتخليه يكدر يداوم بالمدرسة؟
٤- شنو يزيد الأعراض؟ البرد؟ الرياضة؟
٥- شنو يوخر الأعراض او يخففها، الراحة؟ الادوية؟
هذه الأسئلة احفظ اجوبتها لانه طبيبكم راح يسأل عليها
علاج الربو القصبي :
علاج الربو ممكن يكون بخاخات او شرابات او حبوب، طبيبك راح يكتب العلاج حسب عمر الطفل وحسب اعراضه
العلاجات تشتغل بطريقتين
١- علاجات سريعة المفعول : والي هي توقف نوبة الربو بسرعة واكيد بيكم مجربيها بالبيت
ملاحظة : استخدمتها مرة او مرتين بالاسبوع او اكثر لازم تنطي خبر لطبيبك، او اذا استخدمتها و النوبة ما راحت او رجعت بعد وقت قصير لازم تستشير طبيبك
٢- العلاجات الطويلة الامد للسيطرة على الربو: هذه متشتغل مباشرة يعني متعالج النوبات الطارئة للربو، انما فكرتها انه تسيطر عالربو و تمنع الاعراض والنوبات المستقبلية يعني اذا يلتزم بيها الطفل متصير عنده نوبات مستقبلية اساسا ، فإذا طفلك يومية تصير عنده نوبة ربو فهذا يحتاج ياخذ من هالنوع من الادوية يوميا للسيطرة عالربو وتقليل النوبات لهالسبب كلتلكم انه اذا طفلك استخدم العلاجات السريعة اثناء النوبة ومراحت النوبة او يومية تجيه نوبات لازم تستشير طبيبك حتى يضيف لطفلك من الادوية الطويلة الامد تخفف قوة النوبات وتقلل حدوثها

———
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *