الثلاثاء , 2 مارس 2021

هذا اسهل بوست لخطوات الكعده شوفولي الصوره بكل بساطه بعمر...

هذا اسهل بوست لخطوات الكعده
شوفولي الصوره بكل بساطه
بعمر ٤ الى ٦ اشهر يبدي الطفل يكعد و يوكع و يميل الى الجانبين
ممكن تكعديه بالحضن بعمر ٤ اشهر
شون اعرف الطفل مستعد للجلوس ؟
سهله جدا يبدي يسيطر على راسه
من يبدي يسيطر على راسه معناها الطفل مستعد للكعده بالحضن
نكمل الموضوع
بالصوره من عمر ٤ الى ٩ اشهر يبدي يكعد الطفل وحده
بصراحه ما شايف طفل من عمر ٤ اشهر يبدي يكعد وحده
بس اي الاكثريه بعمر ٨ الى ٩ اشهر يبدي يكعد وحده و مستقر
الزحف بعمر ٦ الى ١٠ اشهر و حتى ١١ اشهر
و بعدها المشي بمعدل ٩ الى ١٥ شهر
و ممكن جدا يتاخر المشي الى ١٨ شهر
ماكو اي قانون يكول انه الطفل بالسنه يمشي
و بالاخص للاولاد لان دائما يتاخرون بعد البنات
فالولد يمشون بعمر سنه و شهر الى سنه و ٣ اشهر
.
.
اكو طرق تساعد الطفل على المشي ؟
طبعا اكو
١. التجربه
بالتطور ماكو مثل التجربه علمه على الجلوس و اكيد مع جميع اجراءات الحمايه
٢. الكثير الكثير من اللعب على الارض
دائما تساعد على الجلوس و تعلم الطفل على الاستقلاليه
٣. دائما خلي الجلوس على ارضيه صلبه و مسنود بوسائد من الجانبين
٤. وضع الطفل على بطنه وحده من اهم الخطوات اللي تعزز التطور و بالاخص الجلوس و الزحف و الوقوف
عزز هذه الفعاليه دائما
اذا كنت ناوي طفلك يتطور اسرع
ما تتخيلون شكد يلحون الاطباء الامريكان على موضوع لعب الطفل على بطنه و صعده الدرج حتى تقوي عضلات البطن و الفخذين
و دمتم بود
د. سيف سمير البياتي
اخصائي طب الأطفال
#baby_development

عن د. سلمان داود

طبيب مقيم اقدم اطفال

شاهد أيضاً

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *