هو شوكت الطفل يشرب مي؟ ❤ اذا كان يرضع طبيعي...

هو شوكت الطفل يشرب مي؟
❤ اذا كان يرضع طبيعي فحليبك بنسبه 88 إلى 90 بالميه منه ماء فما يحتاج ماء دامه معتمد على الرضاعه الطبيعيه
❤ بديتي توكلين طفلك بعمر ٤ أشهر هسه يلا ابدي دخلي الماء بنسبه من رقم إلى ٣ أرقام ماء خلال ٢٤ ساعه
❤ صح الكميه كلتها بالأرقام بس الماء يعطى اما بالكوب او الملعقة
❤ تذكري دائما المميه ( الببرونه) فقط للحليب
❤ نرجع للمي و نكمل اذا طفلك يرضع صناعي كذلك هو ما محتاج للمي الا لما ياكل
❤ بعد ال 6 أشهر كميه الماء تقدر بين ٣ إلى ٦ أرقام ماء خلال ٢٤ ساعه
❤ شون اعرف انه الطفل اكتفى من الماء ؟
ببساطه يرفض الماء و يدير راسه
❤ زين شنو الغرض من الاعتماد على الحليب فقط بأول ٤ إلى ٦ اشهر دون الماء؟
خليني احجيلكم امثله و بعدين نحلل ليش هذا المنع؟
❤ مراجع من مراجعيني كانت خطوط النمو مالته جميله و اكثر من الجميله فجاءه صار عنده التهاب مسالك بوليه نتيجه تاخير الختان
المهم نصحوها الأخوات انه تنطي الطفل مي
بعد اسبوعين او شهر بدا الوزن ما يصعد بصوره كافيه
سألت الأم عن أي تغيير ؟
كالت انطي ويه كل رضعه طبيعي رقم ماء
و بدا الطفل يضعف و النمو يقل
❤ الحاله الثانيه متكرره و تصير هوايه كانت تستخدم حليب بقرة لاك اللي تكون الكيله مالته تكفي رقمين ماء ( كيله كبيره) و حولت إلى حليب اخر بس كيلته صغيره و استمرت بنفس الوتيره كل رقمين ماء كيله واحده !!
و اللي صار شنو؟
صار سوء تغذيه طبعا
تخفيف الحليب بأول ٦ أشهر خطأ كبير و يحتاج إلى متابعه و عيون مفتحه
الحليب الصناعي مو بس جيب الحليب و جيب الماء و انطيه لطفلك
الحليب الصناعي يحتاج معرفه بالتعقيم و التنظيف و التحضير و لو تم بصوره مثل ما كل الكتب و المصادر تكول كان الأغلب شاف الرضاعه الطبيعيه على مشقتها اسهل من الرضاعه الصناعيه
المهم
نرجع و نكول شنو خطر الماء بأول اشهر؟
1. يشبع الطفل بماده هي صفر طاقه
2. يدر الطفل اكثر مما يسبب خساره املاح و معادن بالادرار
3. اذا الطفل حديث الولادة راح يقل كميه الحليب اللي ياخذها الطفل و تزيد نسبه الصفراء
4. من يشبع طفلك بالماء راح ينعكس ذلك على الرضاعه الطبيعيه فيقل حليبك
❤ اخر ملاحظه
البوست الفوك اكيد ما يفيد جماعه مو ربينا و انطينا مي و ما صار شي فإني هم اكولهم ربيت ٤ و هم ما انطيتهم مي الا من ياكلون و ما اعتمدوا الا فقط على الرضاعه الطبيعيه اول ٦ أشهر
دمتم بود
و عيدكم سعيد
د. سيف سمير البياتي اخصائي طب الاطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *