١٠ طرق لإعطاء العلاج للأطفال العنيدين اللي ما يقبلون يأخذون...

١٠ طرق لإعطاء العلاج للأطفال العنيدين اللي ما يقبلون يأخذون العلاج
١. اضحك و انت تنطي العلاج
ابدا لا تبدي حزنك و انزعاجك
الأطفال يعرفون جيدا يقرون لغه الجسد و الانفعالات
خليك دائما مبتسم و انت تنطي العلاج
٢. اعبر اللسان !!
اللسان هو المنطقه اللي بيها براعم التذوق
تكدر ببساطه تعبرها
من خلال إعطاء العلاج عن طريق السرنجه و منها توديها على الخد و تدفعها على الخد بالتالي ما راح يحس بالطعم
٣. بين انه هو المسيطر و انطيه خيارات
مثلا :
شوكت تحب تاخذ علاجك
قبل الحمام لو بعد الحمام
بيا طعم تحب علاجك
بالملعقه الكبيره تريده لو بالسرنجه
حسسه انه هو مسيطر و يملك الخيار
٤. وحده من الطرق انه تخدر البراعم الذوقيه للطفل
شون؟
إعطاء قطعه ثلج و تخليها بفمه و بالتالي تتخدر البراعم الذوقيه
ممكن تقلل من مراره العلاج
حتى لو ماء بارد جدا قبل العلاج ممكن يحسن الطعم
٥. باللعب
يلا نلعب لعبه الطبيب و المريض
و هو راح يحب هذه اللعبه
و شون الطبيب ينطي العلاج
و رأسا يأخذه
٦. خلط الادويه مع الشرابات
بس رجاءا لا تخطا الخطا الكبير و تخلطها مع كميه كبيره من العصير او الحليب لان ممكن ما تضمن انه الطفل راح يشربها كلها
و لا ننسى انه بعض الادويه ما ممكن تنخلط باستشارة الطبيب
و أكثر علاج يحب الخلط هو الاموكسيل
٧. برد الشراب
من يكون بارد يحس بلذعه البرد أكثر من طعم الشراب
٨. جرب الملهيه المثقوبه من النصف او ادفع العلاج باستخدام سرنجه و ثقب حلمه زجاجه الإرضاع
الصوره راح تعجبكم جدا و صور أخرى بالتعليقات
٩. أبدا لا تكذب بخصوص العلاج و انه طعمه طيب اذا كان طعمه ما طيب
تناقش ويه طفلك انه لابد من اخذ العلاج حتى يشعر بتحسن
١٠. استخدم البدائل
حاليا الكثير من البدائل موجوده مثل التحاميل و الجلاتين و الحبوب المضغ أو ممكن حتى حبوب عاديه ممكن تنخلط مع الطعام أو التفاح
اتمنى فادكم البوست
د. سيف سمير البياتي
اخصائي طب الأطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *