١٠ طرق لنوم الطفل بأول ايام الولاده تتذكرون شنو كلنا...

١٠ طرق لنوم الطفل بأول ايام الولاده
تتذكرون شنو كلنا عن تربيه الطفل ب ٣ كلمات
الروتين الروتين الروتين
ربوهم ع الروتين
و نبدي بأول النصائح
١. اغفاءه الصبح لا تخليها تطول أكثر من ساعتين إلى ساعتين و نص و الاغفاءه لازم تكون تحت الضوء و بمكان بيه اصوات و حركه
٢. دائما استخدمي الضوضاء البيضاء اللي هي صوت التلفزيون أو البانكه أو الغساله أو السشوار
٣. احجي ويه طفلك من يرضع و غنيله و حركيه بوقت الصبح فقط
٤. جا وقت النوم لنفرض انت ناويه تنيميه بال ١٠ باليل اريدك بال ٩ تسوين البيت هدوووووء شديد و تغسليله و تسويله مساج اذا تكدرين
٥. اغسلي لابنك ليلا و هذا خيار يخصك تذكرين احنا كلنا لا تغسلون يوميه لان يسبب جفاف البشره تكدرين بين يوم و يوم تغسليله بالصابون و مجرد بس تنظفين منطقه الحفاظه بالمي
٦. عتمي الاضويه قبلها شكد ما تكدرين و اذا انت ما تكدرين فخلي ضوء خافت فقط
٧. اكو نوعيات اضاءه تساعد على النوم افضل استخدامها اذا ابنك كلش نحس بالنوم و هاي الاضويه هي اللي تنطي حركه دائريه خافته على سقف الغرفه
٨. من يكعد بالليل من النوم علمود يرضع أبدا لا تحجين وياه
٩. الروتين الروتين الروتين يوميه النوم بساعه محدده و الغسل بنفس الساعه و كلشي بنفس الساعه
اضمنلك راح يكون طفلك انظم طفل بالدنيا
١٠. ابعدي الضوء الأبيض من غرفه نوم طفلك لان الضوء الأبيض يتعارض ويه نوم الطفل و غيري الاضاءه إلى اللون الأصفر
و ارجع و اذكر
المشاركه من الصفحه فقط
هاي بوستات كاتبها خاصه بالصفحه فقط
اذا عجبتك المعلومه اقره باقي بوستات الصفحه و سويلها لايك
شكرا الكم
و شكرا لأي تعليق يدفعنا للاستمرار
د. سيف سمير البياتي
اخصائي طب الأطفال

عن د. سلمان داود

طبيب مقيم اقدم اطفال

شاهد أيضاً

الاصوات الي تصير أثناء تنفس الطفل بصدره او انفه بيها...

الاصوات الي تصير أثناء تنفس الطفل بصدره او انفه بيها هواية اسباب اكو أسباب بسيطة …

30 نصيحه لتكوني اما افضل وزعيها على مدار ال ٣٠...

30 نصيحه لتكوني اما افضل وزعيها على مدار ال ٣٠ يوم 1. قبل ما تعلين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *